211 donacions ena darrèra jornada de donacion de sang d'enguan

12/11/2017

Era grana nauetat d'aguesta campanha estat era donacion de plasma

Aguest ei eth resultat finau dera darrèra jornada de donacion de sang d’enguan ena Val d’Aran. 211 donacions, que supausen 197 donacions de sang e 14 donacions de plasma. Aguest resultat, demòstre un gran exit d’aguesta jornada en format maraton, en tot superar sensiblements era donada artenhuda er an passat. Des dera organizacion, hèn ua avaloracion fòrça positiua d’aguesta darrèra jornada de donacion de sang d’enguan.

Era grana nauetat d’enguan, a estat precisaments  era donacion de plasma. Un hèt, qu’aguest viatge, maugrat auer arremassat sonque 14 donacions, mèrque un punt d’inflexion enes donacions que s’amiaràn a tèrme enes pròplèus ans.

Aguesta darrèra jornada de donacion de sang tanben a agut un totau de 30 aufriments, que per diuèrsi motius, non an podut donar sang, mès qu’an elevat era participacion peth dessús des 240 cassi. Mès, ara era organizacion, dempús de veir eth gran exit de donacions d’enguan dejà premanís era campanha de 2018, damb fòrça optimisme.

Manu Moga