Er ajuntament de Les a iniciat pendent aguesta setmana es òbres de remodelacion dera passarèla sus eth riu Garona, que siguec maumetuda pendent es aiguats de 2013. Per ara, se trebalhe ath tor dera estructura, entà poder començar a desvolopar es trebalhs enes pròplèus dies. Ua òbra que s’eth temps acompanhe, s’amiarà a tèrme en 4 mesi.

En tot pensar en torisme d’ostiu, er ajuntament decidic endarrerir es òbres e iniciar-les un viatge finalizada era sason hestiua. Aguesta actuacion compde damb ua doble inversion. Per un costat, damb hons municipaus e tanben dera Deputacion de Lhèida.

S’es previsions se complissen, era naua passarèla, dejà restaurada, aurie d’èster prèsta en deseme, abantes des hèstes de Nadau, en çò que supause ua infraestructura clau en centre deth pòble de Les.