Aguest dimèrcles s’a celebrat ena sedença deth Conselh Generau d’Aran de Vielha, eth plen ordinari deth Consòrci Leader Pirenèu Occidentau. Un acte qu’a amassat as desparièrs organismes publics e privats que hèn part d’aguesta institucion, en representacion des comarques deth Pirenèu coma son eth Palhars Sobirà, Palhars Jussà, era Alta Ribagorça e era Val d’Aran. Pendent eth plen s’a aprovat eth pressupòst deth pròplèu exercici, avalorat en 928.000€. Ara madeish, i a un totau de 33 projèctes aprovadi, des quaus 8 son dera Val d’Aran e enguan ja s’an produsit 64 consultes entath futur.

Pendent era session plenària, des deth consòrci s’a confirmat que, maugrat era situacion política que se viu actuauments en Catalonha, es pagaments des ajuts LEADER se mantien damb totau normalitat, e damb sonque un endarrieratge de diuèrses setmanes respècte a periòdes anteriors.