Eth pòble de Bossòst torne a acuélher un an mès un des concèrts que hèn part deth cicle deth Hestivau de Musiques Antigues des Pirenèus. Enguan, eth concèrt escuelhut ei deth grop “Capella de Ministrers”, qu’aurà lòc eth pròplèu 10 d’agost entàs 8 deth vèspe ena glèisa dera Purificacion de Maria. Ua actuacion que permeterà escotar musica medievau en tot restacar-la damb era istòria deth Sant Grial.

Ena plana web deth Hestivau se pòden crompar dejà es entrades entad aguest concèrt, qu’includís ua visita guidada ara glèisa entà conéisher es sues caracteristiques, e que se realizarà ua ora abantes deth concèrt.