Un an mès, er ajuntament de Bossòst a alugat er enlumenat de Nadau entath pònt dera Purissima en tot profitar era preséncia de visitaires pendent aguesti dies hestius. D’aguesta manèra, er arbe e es carrèrs deth pòble ja se trapen en condicions de réber era arribada de Nadau. Entà celebrar aguesta jornada, er ajuntament aufric ua chicolatada a toti es assistents entà combàter er heired d’aguesti dies de tardor.

Aguesta hèsta dera alugat der enlumenat ei era auantsala ara arribada de Nadau, que vierà plia d’actiuetats en pòble de Bossòst, en tot pensar sustot ena mainadèra.

Bossòst ja a començat a gaudir dera arribada de Nadau, en un iuèrn qu’ei previst que sigue tanplan heired, mès damb fòrça animacion, qu’ajudarà a hèr mès agradiu es baishes temperatures deth pròplèu iuèrn.