Era EMD de Bagergue a arribat a un nau acòrd damb era entepresa catalana Cellers AT Roca, de Sant Sadurní d'Anoia (Barcelona), entà tornar a collaborar ena decoracion deth pòble de Bagergue entàs pròplèus Hèstes de Nadau e era esponsorizacion des Campanades de Cap d'Aran.

Cellers AT Roca aufrirà eth sòn producte mès important: Rosat Resèrva, entà celebrar es campanades de Cap d'Aran que Bagergue pòrte en tot gaudir enes darrèri anes e que ja ei ua celebracion assolidada entàs vesins d'aguest pòble e toti es visitaires que passen aguesti dies ena Val d'Aran.

At Roca ei eth projècte vitau d'Agustí Torelló Sibill e era sua familha neishuda damb un objectiu clau: elaborar vins unics qu'agen eth poder d'emocionar. Era sua filosofica e compromís se base en 3 pilars identitaris: eth territòri, es varietats autoctònes que lo pòblen e es persones que la demoren. E tot açò ac artenhen en tot trabalhar es vinhes vielhes, en tot veremar e seleccionar de forma manuau es melhors arradims de cada cep o en tot practicar ua viticultura ecologica sostenibla.



IMATGE: Celebracion de Cap d'An (EMD Bagergue)