Eth Plen der ajuntament de Naut Aran a aprovat era 3au modificacion deth pressupòst municipau d’enguan, per valor de 420.000€. Ua modificacion que se concentre, sustot, en pòble d’Arties, damb eth cambi der enlumenat en parçan de Plaus, avalorat en 180.000€, damb era subvencion deth 50% dera òbra per part dera recaudacion der Impòrt d’Actiuetats Economiques.

Ath delà, damb aguesta modificacion, eth romanent de tresaureria se manten ath tor des 950.000€ entà acabar er exercici actuau. Pendent eth plen, e a demana dera oposicion, tanben s’a parlat sus era possibilitat de qu’eth municipi pogue acuélher pendent es pròplèus 5 o 6 ans, eth bastiment d’ua naua residéncia geriatrica.

Er ajuntament tanben estudiarà aplicar ua moratòria d’1 o 2 ans ena concession de licéncies d’abitatges d’emplec toristic. Ara madeish, n’i a ath tor de 800 en tot eth municipi, e considèren oportun frenar era sua expansion.