Er Ajuntament de Vielha e Mijaran inície ua sèrie de milhores de cara ar ostiu

22/06/2017

Er Ajuntament de Vielha e Mijaran a començat damb es trebalhs de milhora deth municipi de cara ar ostiu. Per ara, dejà s’an hèt trebalhs de manteniment e reparacion en quauqui des parcs infantils e s’a previst contunhar damb aguesti trebalhs pendent es pròplèus mesi, en tot cambiar es solèrs d’aguesti espacis o ben pintant e milhorant eth sòn aspècte.

Ua auta des òbres mès remercables ei era d’apraiament des escales dera Plaça der Glèisa. Dempús de quauqui ans hènt milhores extèrnes, enguan s’a decidit cambiar-les entà assegurar eth sòn bon manteniment.

Coma cada an, eth consistòri a contractat 9 persones entad aguesti mesi damb er objectiu de qu’ajuden ara brigada damb es sòns trebalhs de manteniment deth municipi e atau poder desvolopar es naues milhores qu’an previstes.

Un trebalh constant qu’ei de besonh entà poder gaudir d’un municipi ben suenhat en aguesti mesi de calor e bon temps.

Clara Villar