Era entitat sense ànim de lucre "Tengo Esclerosis Múltiple y Qué" (TEMYQUE), dedicada a realizar activitats d'òci entà persones que patissen aguesta malautia neurodegenerativa, a escuelhut Vielha entà realizar era sua activitat "Pren-te eth tòn Temps". 

TEMYQUE preten, mejançant es activitats que desvolòpen, ajudar a totes aqueres persones afectades per aguesta malautia a superar toti es impediments que se trapen en sòn dia a dia. Impediments que van mès enlà deth fisic e, qu'en fòrça casi, includissen isolament e inmobilisme.

Damb es sues accions, aguest grop tracte de fomentar era seguretat en un madeish, era collectivitat e era perspectiva positiva deuant es rèptes as que s'afronten.

Damb "Pren-te eth tòn temps", era activitat organizada per TEMYQUE e er Ajuntament de Vielha e Mijaran, eth principau objectiu ei dar a conéisher era malautia, qu'es persones que patissen Esclerosis Multipla compartisquen es sues experències dehòra dera sua quotidianitat, e favorir un periòde de descans a familhes e cuidadors.