A compdar deth cors escolar 2017-18, era escòla mairau de Les daurirà pendent tot er an de deluns a diuendres, segontes an confirmat des der ajuntament municipau. Ath delà, eth consistòri a trèt a concors era gestion e explotacion d'aguesta installacion entà millorar-ne es aportacions qu'en poguen hèr des der pròpri ajuntament, que variarà segontes era donada d'alumnes inscrits. Se n'i a pòqui, eth madeish ajuntament aportarà ua quantitat de sòs mès anauta. 

D'aguesta manèra s'assegurarà eth servici qu'aufrís era escòla mairau, e que segontes comente eth tinent d'alcalde de Les, Andreu Cortés, "ei de vitau importància entà fixar era poblacion". Eth prètz base d'aguesta licitacion son 5 èuros ath mes e era corporacion municipau seguirà en tot encuedar-se dera mantenença e des subministraments.




IMATGE: Escòla Maira de Les (ajuntament de Les)