En Plen deth Conselh Generau d’Aran, eth Govèrn institucionau balhèc informacion sus er estat actuau deth bastiment dera naua residència geriatrica en pòble de Les. Un equipament que supause ua aumentacion dera aufèrta de places entara gent grana, autant publica coma privada. Ara madeish, eth projècte se trape ena fasa iniciau, en tot redactar eth projècte executiu, qu’en mes de noveme s’a de liurar.

Aguest projècte s’amie a tèrme amassa damb era Generalitat de Catalunya, que finançarà bona part d’aguestes places concertades. Es òbres dera residéncia se realizaràn en an 2018, e se demore qu’en gèr de 2019, er equipament dejà sigue prèst.

Ath delà, tanben se tractèc er ahèr dera Oficina Liquidadora, pr’amor qu’Unitat d’Aran se planhie per ua supausada pèrta des servicis abituaus d’aguest equipament. Eth Govèrn d’Aran a confirmat que parlaràn damb es responsables dera oficina entà esclarir se tot contunhe coma ère abituau o se i a agut bèth cambi significatiu.