Aué era Val d’Aran a mostrat era sua solidaritat damb totes es victimes e herits que deishèc ager eth terrible atac terrorista de Barcelona e er assag d'atemptat en Cambrils.

Entàs 12:00 deth meddia s’an convocat ena Plaça dera Glèisa de Vielha e es Ajuntaments de Les, Bossòst e Naut Aran quauques menutes de silenci entà condemnar aguestes intolerables accions de violéncia e òdi.

Rebrembam, qu’ager pera tarde minim 13 persones sigueren assassinades e pròp d’un centenat herides a mans deth conductor d’ua forgoneta que comencèc a atropelhar as persones que passejaven pes Rambles de Barcelona. Eth grop terrorista ISIS s’atribuïc era autoria der atemptat pògues ores dempús. Peth ser, cinc òmes èren abatuts pes Mòssos d’Esquadra en un nau assag d’atemptat en Cambrils.

Er Ajuntament de Vielha e Mijaran a decretat tres dies de düèl en municipieanulle toti es actes oficiaus pendent aguestes jornades.

Era Val d’Aran se some ara condemna a d’aguest trist atac ara libertat e ara vida e mòstre tota era sua solidaritat damb Barcelona e era sua gent.