Un totau de 60 alumnes de dusau de primària dera Escòla Garona de Vielha an visitat, acompanhats pes sòns mèstres, era sedença deth Conselh Generau d'Aran.

Les a arrecebut eth Vicesindic d'Aran, Luís Carlos Medina, qui les a parlat sus era istòria, eth foncionament e es foncions d'aguesta institucion, ath delà de arrespóner era multitud de qüestions qu'es petits auien sus eth Conselh, sus coma foncionen es Pompièrs d'Aran o era Policia, e sus quin ei eth trebalh qu'exercís eth Sindic d'Aran. 

Ath finalizar era visita, eth Vicesindic a obsequiat a cadun des escolars damb dus condes editadi peth govèrn aranés.

IMATGE: CONSELH GENERAU D'ARAN