Es pensions enes pòbles d'Es Bòrdes e Arres son es uniques de tota era província de Lhèida que supèren es 1000 € de mejana. En aguest sens, en Es Bòrdes era chifra se place en 1022,11 èuros e en Arres en 1011,58 èuros. Aguestes donades les placen laguens d'un grop de ueitanta poblacions en tota Catalonha peth dessús des 1000 èuros de pension mejana. En çò que tanh ath conjunt dera Val d'Aran, era pension mejana ei de 859,5 èuros. Totes aguestes chifres son includides laguens d'un informe der Institut d'Estadística de Catalunya (IDESCAT) en tot comparar era evolucion pendent 2011 e 2016. 

Ath delà, era Val d'Aran tanben ei era unica zòna de Lhèida a on era taxa de creixement dera chifra de pensions contributives dera Seguretat Sociau ei peth dessús dera mejana catalana. Ena Val d'Aran ei un 9,2%, mentre qu'en Catalonha ei deth 6,6%.