Es òbres dera carretera de Bagergue auancen a bon ritme

11/10/2017

Es melhores dera carretèra de Bagergue dejà son mès a pròp d’èster ua realitat.

Mejançant era inversion de mès de 450.000 euròsder Ajuntament de Naut Aran, aguesta carretera guanharà mètres d'amplor, çò que facilitarà era neteja dera nhèu en iuèrn e, ath delà, supausarà ua major seguretat vial entàs vesins e visitants deth pòble.

Es òbres, que dejà son començades, auancen a bon ritme.

A causa dera pòga amplor dera carretera, es òbres causen retencions puntuaus ara òra d’accedir a Bagergue, mès se pòt arribar sense cap problèma.

Un trebalh fòrça necessari entà garantir era seguretat en accés a Bagergue e, de ben segur qu’ajudarà entà qu’aguesta Vila Florida contunhe creishent en nombre de visitants coma ac a hèt enquiara.

Clara Villar