Eth 14 d'octubre torne “Era net des boherons”

10/10/2017

Eth Conselh Generau d'Aran, a trauès deth Departament d'Agricultura, Ramaderia e Medi Naturau, torne a organizar, un an mès, “Era net des boherons”, qu'aurà lòc dissabte, 14 d'octubre

Ua activitat dirigida a tota era familha, qu'ensenhe a descorbir e reconéisher es boherons e d’auti micromamifèrs dera Val d’Aran en tot apréner eth metòde d’estudi scientific d’aguest grop de fauna. Un acte que convide a passar ua estona divertida en tot cercar as petiti mamifèrs que viuen amagadi enes nòsti bòsqui.

Aciu qu'auetz eth programa complèt: 

Dissabte 14 d’octobre 2017 (Refugi dera Honeria-Val de Toran)

  • 19h: Charrada audiovisuau “Micromamifèrs, animadors secrets des nòsti bòsqui”.
  • 20h: Sopar.
  • 21:30: Exploracion nocturna en ‘’bòsc des boherons’’ mejançant era prospeccion de dispositiu de trampeg.

Entà hèr mès comòde eth seguiment dera activitat, eth refugi aufrís servici de lotjament e restauracion (menú adult14€ e menú infantil 6€), mès tanben i a era possibilitat de que cada un se pòrte eth sòn pròpi sopar. 

Era activitat ei gratuïta, mès es places son limitades, per aquerò cau formalizar era inscripcion telefonant tath Conselh Generau d’Aran (973 64 18 01) o enviant un corrèu a g.vilo@aran.org, persona de contacte Gerard Viló.

Clara Villar