Aguest pròplèu 19 de seteme, eth Conselh Generau d'Aran amie a tèrme un talhèr formatiu sus economia sociau ena sedença dera institucion en Vielha. Aguesta formacion a coma objectiu hèr conéisher era formula cooperatiua e es societats laboraus, atau coma presentar eth modèl cooperatiu coma oportunitat entà relançar ua activitat economica.

Ei dirigit a associacions e entepreses que siguen restacades damb er airau cooperatiu. Aguest talhèr que s’enquadre laguens des accions qu’eth Ateneu Cooperatiu deth Naut Pirenèu e Aran desvolòpe entà fomentar e promòir era economia sociau en territòri e que coordine eth Conselh Comarcau deth Palhars Jussà damb es auti conselhs deth Naut Pirenèu e eth Conselh Generau d’Aran.

Eth sòci fondador de Calidoscoop, Pere ribas serà er encarregat d'aufrir aguest talhèr formatiu. Er orari serà de 16 a 19 ores, e es inscripcions son totauments gratuïtes. Entà formalizar era assisténcia, es interessadi pòden trucar ath telefon 973641801 o enviar un corrèu electronic a [email protected]