Eth Conselh Superior d'Espòrts aufrís ua subvencion ath CETEI

11/08/2017

Eth Conselh Superior d'Espòrts (CSD) a concedit a ath Centre de Tecnificacion d'Espòrts d'Iuèrn (CETEI) Val d'Aran ua subvencion de 29.952,20 euròs

Eth Vicesindic prumèr d'Aran, Luis Carlos Medina, a manifestat era sua satisfaccion damb aguesta notícia, pr'amor qu'era subvencion, afirme, da responsa as esfòrci que desvolòpe eth Govèrn d'Aran en aguesti ahèrs. Ath delà, d'aguesta forma, se recupère eth finançament des programes de Tecnificacion e Pre-Tecnificacion deth CETEI.

Era subvencion s’autrege enes diferentes modalitats esportiues:
  • Esquí Aupin Adaptat, Esquí de Hons Adaptat e Snowboard Adaptat (Persones damb Paralisi Cerebrau e Discapacitat Fisica): 12.458,87 €.
  • Esquí Aupin Adaptat, Esquí de Hons Adaptat e Snowboard Adaptat (Persones damb Paralisi Cerebrau e Discapacitat Fisica): 8.147,92 €
  • Espòrts d'Iuèrn (Esquí Aupin): 9.345,41 €.
Aguesta ajuda represente un nau impuls entà qu’es esportistes aranesi poguen nodrir es prumères equipes des diferentes modalitats esportiues e les da era oportunitat d'arribar a concórrer, coma dejà a passat uns auti còps, en uns Jòcs Olimpics e Paralímpics d’iuèrn.

IMATGE: CONSELH GENERAU D'ARAN
Clara Villar