Eth Les artenh era permanéncia en sòn darrèr partit en casa

23/05/2017

Era Associacion Fotbòl Les a artenhut aguesta tempsada eth son principau objectiu: era permanéncia ena tresau categoria catalana. Ac a hèt ath limit, gràcies ath sòn darrèr partit en casa, a on joguèren còntra eth Soses e acaberen guanhant per 3 gòls a 2

Era d’enguan a estat ua tempsada fòrça irregular, a on era equipa comencèc damb molta fòrça e guanhant es prumèrs partits mès que s’anèc complicant damb es jornades. Finauments, a un partit d’acabar era tempsada an artenhut era recompensa pera que lutauen: era permanéncia.

Es sòns objectius entar an que ven son clars: contunhar damb aguesta fòrça e aguestes ganes de jogar a fotbòl e, se pòt èster, pujar un shinhau mès laguens dera categoria.

Per ara, encara les manque un darrèr partit, qu’aurà lòc eth pròplèu dimenge 28 de mai còntra er Albeca en sòn camp.

Clara Villar