Era Val d'Aran non meterà eth sòn nòm en pròplèu modèl de veïcul SUV dera casa espanhòla SEAT. Per tant, eth desirat SEAT Aran aurà de demorar, com a mínim, uns ans mès entà èster ua realitat. Fin finau, Aran a arribat ara semifinal d'aguest concurs, e eth nòm oficiau, gesserà des quate finalistes: Alborán, Aranda, Ávila o Tarraco, que sigueren es mès votades en ua eleccion populara. Era gent encara pòt votar eth nòm enquiath pròplèu 25 de seteme. Segontes representants de SEAT, i a agut mès de 133.000 participaires de 106 païsi. 

Aran dejà optèc en anterior concors a plaçar eth sòn nòm en un veïcul SEAT, mès era opcion guanhadora siguec Altea.