Pendent era jornada deth 30 de seteme, se celebrarà era 7au edicion dera Verticau d'Aran Vielha-Montcorbison. Memoriau Tonet Cavero. Ua pròva organizada per Era pòrta d'Aran e que supause era darrèra corsa atletica d'enguan. Entà d'aguesta escasença, i auràn tres recorreguts:

- Marcha Populara: 2 kms e 500 mètres de desnivèu positiu. Era gessuda aurà lòc entàs 09:30 ena Bassa d'Oles. S'abilitarà un transpòrt en Vielha entàs 09:00.

- Pujada Populara Verticau Aran: 4,2 kms e 1200 mètres de desnivèu positiu. Era gessuda aurà lòc entàs 10:00 ena Plaça dera Crotz Occitana (Rotonda de Vielha).

- Corsa Verticau Aran: 4,2 kms damb 1200 mètres de desnivèu positiu. Era gessuda aurà lòc entàs 11:00 ena Plaça dera Crotz Occitana (Rotonda de Vielha).

Era inscripcion a quinsevolha des tres opcions a un prètz de 10€, e se pòden amiar a tèrme ena botiga d'Era Pòrta d'Aran, plaçada ena Plaça Sant Orenç 2 de Vielha en orari de 16:30 a 19:30, o ben en tot entrar ena plana web http://ow.ly/LGrH30eVmQf 

Es organizadors non exigissen un materiau minim indispensable entà participar ena pròva, mès recomanen portar ròba d'abric, aigua, bastons e un telefòn. Ath delà, tanben se recomane revisar era informacion meteorologica entà adaptar eth materiau segontes era climatologia ena data dera pròva.



Imatge: Era Pòrta d'Aran