Eth Conselh Generau d'Aran e er Ajuntament de Vielha e Mijaran invertiràn un totau de 13.000 euròs entath projècte de milhora e reforma des hièstres e persianes deth Centre de Formacion d'Adults (CFA) dera Val d'Aran.

Aguestes dues institucions araneses an signat un convèni peth quau cadua des parts invertirà 6.500 euròs entà realizar aguestes òbres.

Rebrembam qu'eth Centre de Formacion d'Adults aufrís corsi d'anglés, francés e informatica, atau coma formacion entà obtier eth graduat en educacion segondària mejançant er IOC e corsi d'accès a cicles formatius de grad miei e de preparacion as pròves d'accès ad grad superior. 

Aguest centre, que pendent er ostiu a estat barrat per vacances, se premanís dejà entà començar un nau cors.