Nau pannèu informatiu sus er estat des parcatges de Baqueira-Beret

13/10/2017

Aguesta plataforma s'a plaçat en Tredòs e servirà tà qu'es esquiaires poguen saber per auança a on parcar

A compdar d’aguesta pròplèu sason d’iuèrn, es usatgèrs de Baqueira-Beret compden damb un nau supòrt entàs parcatges. Era estacion d’esquí a plaçat un pannèu informatiu ena comarcau C-28 ath cant dera entrada ath pòble de Tredòs, entà mantier informadi as esquiaries sus era situacion des desparières parcatges des que dispause Baqueira-Beret.

Era dificultat ara ora de trapar parcatge ei un des principaus problèmes qu’a Baqueira-Beret sus tot enes sasons de nauta preséncia d’esquiaires, coma pòt èster Nadau o Pasca. Atau, es usatgèrs auràn informacion immediata sus era situacion des parcatges de Vaquèira, Òrri, Beret e Bonaigua.

Manu Moga