Er Ajuntament de Vielha e Mijaran a desvolopat ua App de Participacion Ciutadana entà que toti es vesins e vesies deth municipi poguen participar ena planificacion intelligenta de tot eth municipi.

Es usatgèrs poiràn expressar es sues inquietuds e suggeriments, conéisher es notícies deth consistòri, era agenda d'activitats, consultar es ordenances municipaus, era sedença electronica e eth portau de transparéncia e, ath delà, poiràn notificar es incidéncies que se trapen en municipi, en tot enviar ua fotografia e brèu tèxte.

Aguesta aplicacion cerque fomentar era participacion activa entre er Ajuntament e es ciutadans, servir coma portau de transparéncia des accions municipaus e crear comunitat entre es abitants deth municipi, encoratjant-les a participar ena politica locau.

Se tracte d'un nau canau de comunicacion dirècta e bidireccionau entà establir ua connexion mès estreta entre eth consistòri e eth pòble.

Toti es interessats la pòden descarregar en sòn smartphone o tauleta cercant en store: Vielha e Mijaran.