Eth cas de Pablo Santos e era sua hilha Noa, contunhe en tot auançar es dies. Dejà hè 4 dies que Pablo demore deuant des Jutjats de Vielha entà qu'aguesta sala prengue bèra decision sus eth sòn cas. Aguest pròplèu deluns s'incorpòre ua naua jutgessa, damb era quau demore poder trapar bèra gessuda ara sua situacion desesperanta.

Cau rebrembar que Pablo Santos pòrte 15 mesi sense veir ara sua hilha Noa, qu'ara a 5 ans. Eth temps que hè qu'era mare dera mainada se n'anèc tà Uruguai e non a tornat mès. Ua senténcia d'Uuruguai li balhre era rason a Pablo, mès era jutgessa que i auie enquiara en Vielha non se reconeishie competenta tà amiar-la a tèrme.

"Demori qu'aguesta naua jutgessa age un tracte milhor qu'er auta que i auie ara. Se non auance eth cas, seguraments auram de recórrer a d'autes mesures entà hèr veir ara justícia, que precisaments, s'amie ua injustícia ara madeish. Non sonque en tot pensar en jo, senon ena mainada", comente Pablo Santos.