Er Ajuntament de Bossòst vò “esténer un arregraïment especiau ara Associacion de Processons de Setmana Santa de Bossòst, pr’amor qu’era sua dedicacion hè possibla qu’aguestes tradicions seguisquen viues e mos junhen coma pòble. Eth sòn esfòrç e passion son eth còr d’aguestes celebracions”.

Tanben, volèn arregraïr as quasi 200 persones volontàries que participen an darrèr an, en tot portar damb orgulh es imatges e es simbèus. Tanben arregraïr ara corau qu’acompanhe damb es sòns cants tota era processon. Era sua participacion ei essenciau e inspiradora.

Atau coma ad aqueri que trabalhen ena ombra, qui damb dedicacion premaníssen cada detalh entà qu’es passi e er entorn ludisquen ena sua maxima esplendor. Era sua labor, fòrça còps non vista, ei fonamentau entàs processons.


Ath delà, cau arrebrembar que podetz visitar era exposicion de fòtos antigues des processons ena sala d’exposicions jos er ajuntament de Bossòst, deth 28 ath 31 de març. Un viatge ath passat que mos arrebrembe era beresa deth nòste eretatge. Organizada peth Grop de hemnes de Santa Gueta Bossòst.

Orari Processons:

Processon de Diuendres Sant

10:00 ores Processon Via Crucis

22:30 ores Processon Sant Enterrament

Dimenge de Pasca

13:30 ores Processon deth Sant Retrobament


HÒNT: AJUNTAMENT DE BOSSÒST