Aguest fin de setmana an tornat es processons de Bossòst, un des eveniments culturaus e de tradicion mès importanti de tota era Val d’Aran. Bossòst ei er unic pòble deth territòri que hè aguesti passi e era sua origina proven der an 1879.

Coma tostemp, era estrea se hèc en diuendres Sant damb eth Via Crucis, a on es diuèrsi passi anèren acompanhadi dera presència de fòrça persones que voleràn veir de prumèra man aguesta istorica tradicion. Malerosament, eth madeish diuendres ena net non se poguec hèr eth Sant Enterrament pr’amor des dolentes condicions meteorologiques. Era que òc se poguec amiar a tèrme sense problèmes siguec era processon deth Sant Retrobament en dimenge.

Mès de 200 vesins participen laguens dera processon, ja sigue coma soldats, angelets o veudes. Un compromís non sonque des generacions adultes, senon tanben des mès joenes que damb orgulh decidissen implicar-se en aguest eveniment religiós. Era associacion dera Setmana Santa de Bossòst supause un element indispensable ara ora d'amiar endauant era tradicion.

Tan es processons de Bossòst coma era rèsta dera Setmana Santa supausen tostemp un gran impacte economic entara zòna deth Baish Aran.