A compdar d'aguest ostiu, eth patinador aranés, Tòn Cónsul, compde damb ua naua parelha artistica.Isabella Gamez, nòrd-americana, de 18 ans, substituís ara canadenca Alexanne Bouillon, de 14 ans. Aguesta notícia, s'a produsit, dempús de que Bouillon decidisse deishar eth mon deth patinatge entà dedicar-se as sòns estudis. D'aguesta manèra, Cònsul auec de cercar-se ua naua parelha, e trapèc ena nòrd-americana, ua escasença ideau entà contunhar damb era sua carrèra professionau.

"Maugrat que començam de zèro un aute viatge, Isabella dejà porte diuèrsi ans a un gran nivèu", comente Cònsul. Ei previst qu'a compdar deth dia 26 de junh, Isabella e Tòn comenciguen a entrenar en Montreal, dempús de qu'Isabella dejà age realizat eth sòn traslat de Florida a Canadà.