Torne eth Mercat Medievau d'Arties

10/08/2017

Eth pòble d’Arties tornarà a acuélher era dimenjada der 11, 12 e 13 d’agost eth sòn dejà tradicionau Mercat Medievau d’ostiu.

Un mercat en quau era Plaça Urtau e es sòns carrèrs mès pròplèus s’amplissen de disparières paradetes enes que se venen tot tipe de minjars e begudes, principaument, mès tanben d’auti productes entà qu’es vesins deth territòri e era grana donada de toristes que le visiten poguen crompar tot çò que volguen en un ambient que cerque recrear escènes tipiques de tempsi medievaus.

Es hormatges, còques, embotits, pastissi e crespèths son dejà productes tipics d’aguest mercatMès tanben acuelh d’autes activitats coma era animacion e es jòcs infantils entà hèr a passar ua bona estona as mès petits. Ath delà, peth sèr i aurà tanben espectacle nocturn damb “Eth dimoni d’Arties”.

Aguest ei dejà un acte fixe enes ostius d’Arties, un eveniment qu’acompanhe ara rèsta d’activitats qu’eth pòble aufrís pendent eth mes, coma es concèrts, actuacions de magia, talhèrs e espectacles infantils.

Clara Villar