ACTUALITAT
UA denóncie eth traslat dera oficina liquidadora dera Val d'Aran
15/09/2017
Unitat d'Aran a denonciat era eliminacion dera oficina liquidadora dera Val d'Aran. Segontes eth comunicat emetut, eth traslat d'aguest servici public ara Seu d'Urgell obligarà, a partir d'ara, a molti des usatgèrs e professionaus aranesi que requerissen d'aguesta prestacion a recórrer mès de 100 quilomètres.
Un hèt que, segontes UA, va "en còntra de tota logica dempús de mès de 150 ans d'establiment d'aguest servici en territòri".
Eth Secretari Generau d'Unitat d'Aran, Paco Boya, a manifestat es sòns dubtes sus s'aguest canvi "afectarà tanben ath dret d'exempcion der us de papèr sagerat qu'ei en vigor en autrejament des escritures publiques, enquiara reconeishut pes notaris registradors e era pròpia oficina liquidadora".
Eth partit afirme qu'aguest hèt supause ua retalhada ena autonomia dera Val d'Aran, atau coma un incompliment der article 79.3 der Estatut de Catalonha, qu'en sòn punt 3 ditz: "eth Conselh Generau d'Aran a de participar ena elaboracion des iniciatiues normatiues qu'afècten ath sòn règim especiau", atau coma der article 5 dera Lei d'Aran, eth quau ditz que "Aran non pòt quedar includida en cap division territoriau, ne administratiua que non sigue era madeisha".
Ath delà, eth Secretari Generau lamente que, "era eliminacion d'aguesta oficina implique un pas mès ena creacion dera Vegueria deth Pirenèu", que segontes eth respècte mès tostemp que "non implique ua recentralizacion des servicis e, per tant, ua pèrta d'autonomia des institucions araneses, que pèrden un important estrument entà abordar era corresponsabilitat fiscau".
Aguest dret, apunte Boya, "a estat defenut pes bailes aranesi durant fòrça temps: deuant dera Reau Orde deth 27 deth 7 de 1898; deuant deth govèrn dera Republica en 1932, a on s'exigís ua rectificacion ara Generalitat metent de manifèst era indignacion d'Aran; en 1955 e en 1960, an en quau era Junta de Bailes convidèc as vesins dera Val a non reconéisher ne signar es possibles actes de infraccion".
Unitat d'Aran demanarà en pròplèu Plen deth Conselh Generau d'Aran sus aguest ahèr.
IMATGE: UNITAT D'ARAN
Un hèt que, segontes UA, va "en còntra de tota logica dempús de mès de 150 ans d'establiment d'aguest servici en territòri".
Eth Secretari Generau d'Unitat d'Aran, Paco Boya, a manifestat es sòns dubtes sus s'aguest canvi "afectarà tanben ath dret d'exempcion der us de papèr sagerat qu'ei en vigor en autrejament des escritures publiques, enquiara reconeishut pes notaris registradors e era pròpia oficina liquidadora".
Eth partit afirme qu'aguest hèt supause ua retalhada ena autonomia dera Val d'Aran, atau coma un incompliment der article 79.3 der Estatut de Catalonha, qu'en sòn punt 3 ditz: "eth Conselh Generau d'Aran a de participar ena elaboracion des iniciatiues normatiues qu'afècten ath sòn règim especiau", atau coma der article 5 dera Lei d'Aran, eth quau ditz que "Aran non pòt quedar includida en cap division territoriau, ne administratiua que non sigue era madeisha".
Ath delà, eth Secretari Generau lamente que, "era eliminacion d'aguesta oficina implique un pas mès ena creacion dera Vegueria deth Pirenèu", que segontes eth respècte mès tostemp que "non implique ua recentralizacion des servicis e, per tant, ua pèrta d'autonomia des institucions araneses, que pèrden un important estrument entà abordar era corresponsabilitat fiscau".
Aguest dret, apunte Boya, "a estat defenut pes bailes aranesi durant fòrça temps: deuant dera Reau Orde deth 27 deth 7 de 1898; deuant deth govèrn dera Republica en 1932, a on s'exigís ua rectificacion ara Generalitat metent de manifèst era indignacion d'Aran; en 1955 e en 1960, an en quau era Junta de Bailes convidèc as vesins dera Val a non reconéisher ne signar es possibles actes de infraccion".
Unitat d'Aran demanarà en pròplèu Plen deth Conselh Generau d'Aran sus aguest ahèr.
IMATGE: UNITAT D'ARAN
Clara Villar