Unitat d’Aran-PSC se mòstre preocupat pera situacion politica e sociau que se viu ena Val d’Aran arraïtz deth procès sobiranista de Catalonha. Era formacion socialista se planh pera manca de compromís dera Generalitat de Catalonha envèrs ara singularitat territoriau que supause Aran en principat, pr’amor qu’an quedat ath marge, considèren, de quinsevolha negociacion politica en referèndum der 1 d’octobre.

Ath delà, Vergés manifèste qu’en cas de produsir-se era independéncia de Catalonha, demanaràn que se hèsque efectiva era disposicion addicionau dera Lei deth Regim Especiau d’Aran, entà qu’es aranesi exprimen quin vò èster eth sòn futur.

Fin finau, Unitat d’Aran tanben lamente que des dera aprobacion dera Lei d’Aran en an 2015, airaus importanti com eth sistèma de finançament o er electorau encara non s’agen aprovat. En aguest sens, demane ara Generalitat de Catalonha que i age mès implicacion en sòn desplegament, quan manquen mens de dus ans entàs pròplèus eleccions municipaus e ath Conselh Generau d’Aran.