An finalizat es trabalhs de reforma des accèssi ath Palai d'Espòrts, ar Skate Park e ara pista de fronton deth Solan de Vielha. 
Damb aguesta milhora, er Ajuntament de Vielha e Mijaran dignifique es entorns d'aguesti equipaments municipaus que son emplegadi per fòrça gent deth municipi e de tota era Val d'Aran pendent tot er an.  En Palai d'Espòrts s'a substituït er accès de husta per un solèr de panòt, mentre qu'en accès ar Skate Park e ara pista de fronton s'a bastit un paviment d'hormigon, ath delà de netejar e adaptar era zòna e milhorar-ne era seguretat.

Des der equip de govèrn expliquen qu’an renauït e milhorat aguest espaci esportiu deth Solan de Vielha qu'atrè era preséncia de fòrça gent pendent tot er an as diuèrses installacions municipaus, autant mainadèra coma adults, en tot refortilhar era seguretat des usatgèrs qu'empleguen aguesti equipaments e deisham aguest parçan enes condicions que meriten.

Eth consistòri a volut destacar qu’eth municipi compde damb un gran hilat d’equipaments esportius de gran nivèu que foncionen a plen rendiment pendent tot er an.