Baqueira Beret trabalhe ena ampliacion deth complèx de cara as pròplèu ans e ac hè en tot projectar un nau teleesquí en parçan deth Blanhiblar, en sector de Beret, a on se poderie guanhar un totau de 10 quilomètres esquiables autant coma aufrir ua alternatiua e experiéncia mès as sòns usatgèrs.

Aguesta futurible naua incorporacion serie ath cant deth teleesquí deth Costarjàs damb eth prètzhèt que poguesse arribar enes entorns deth Cap de Clòsos a 2418 mètres de nautada. Permeterie descorbir naues montanhes e zònes a on non se podie esquiar e eth domini esquiable aumentarie per tant en tot arribar lèu as 180 quilomètres.

Çò que s’a hèt des de Baqueira ei entrar era peticion damb es estudis apertienti en Ajuntament de Naut Aran entà que pogue passar pera Comission d’Urbanisme dera Val d’Aran entrar sua aprobacion.

Encara qu’aguest projècte ei previst a miei tèrme, enguan se vò trabalhar en tot çò qu’a a veir damb era produccion de nhèu, atau coma era modernizacion de quauqua cafeteria dera estacion.