Acte de reconeishença en Conselh as delegadi verdi der Institut d'Aran

16/06/2017

Pendent eth dia d'ager se celebrèc ena sedença deth Conselh Generau d'Aran un acte de reconeishença ath trebalh der Institut d'Aran entà fomentar era recuelhuda selectiva des residus municipaus

Ar acte, presidit peth conselhèr de Territòri, José Antonio Boya, e eth director der Institut, José Manuel Rodríguez, assistiren es escolans qu'an collaborat aguest cors coma delegadi verdi. Pendent er eveniment, se presentèc un vidèo elaborat pes pròpis alumnes sus es sues experiéncies en centre educatiu e era gestion de residus generadi ena Val d'Aran. 

Pendent eth cors 2016-17 s'an organizat en Institut diuèrsi talhèrs sus es diferentes fraccions de residus e es delegats verdi an agut era oportunitat de visitar es diferentes plantes de tractament de residus a on se gestionen toti aqueri produits ena Val d'Aran. Er institut aranés ei un centre cabecièr en aguest airau, ja qu'era figura des delegats verdi non existís encara en d'auti centres educatius

Ei per açò que des deth Conselh s'a volgut arreconéisher eth prètzhèt d'aguesti escolans, atau coma eth trabalh hèt des dera comunitat educatiua pera sua responsabilitat en hèr préner consciéncia as naues generacions dera responsabilitat sociau que toti auem d’assumir ena conservacion deth miei ambient.

IMATGE: CONSELH GENERAU D'ARAN
Clara Villar