Activitats entà conéisher d'apròp es murguetes, arrats dromilhèrs

07/08/2017

Eth Departament d'Agricultura, Ramaderia e Miei Naturau deth Conselh Generau d'Aran a organizat, un an mès, dues activitats entà conéisher mès detalhs sus es murguetes, arrats dromilhèrs e d’auti micromamifèrs dera Val d’Aran en tot apréner eth metòde d’estudi scientific d’aguest grop de fauna.

Diuendres, 18 d'agost, aurà lòc "Era net des Murguetes" e dissabte, dia 19, era activitat "Eth nin des arrats dromilhèrs". Es dues activitats son recomanades a familhes e totauments gratuïtes mès, coma es places son limitades, calerà inscriuer-se abantes en tot telefonant ara sedença deth Conselh (973 64 18 01) o enviant un corrèu a [email protected], persona de contacte Gerard Viló. Era inscripcion se pòt hèr entà sonque un dia o ben tàs dus.

Ara seguida vos detalham eth programa:

Diuendres, 18 d’agost, en Refugi dera Honeria-Val de Toran

20 ores: Charrada audiovisuau “Micromamifèrs, animadors secrets des nòsti bòsqui”.
21 ores: Sopar.
22:00 -23:30 ores: Exploracion nocturna en "bòsc des Murguetes’’ mejançant era prospeccion de dispositiu de trampeg.

Entà hèr mès comòde eth seguiment dera activitat, eth refugi aufrís servici de lotjament e restauracion (menú 15€ e menú infantil 6€), mès tanben i e era possibilitat de portar-se eth pròpi sopar.

Dissabte, 19 d’agost, ena Plaça deth Conselh Generau d’Aran (e Betren)

10h-13 ores: Charrada "Qué ne sabem des arrats dromilhèrs grisi?” damb Lídia Freixas, investigadora especializada ena espècia.
Revision e contraròtle des estacions de cria deth Projècte Liró a Betren.

Dues activitats dirigides a tota era familha que vos permeteràn passar un moments fòrça divertidi en tot cercar as petiti mamifèrs que viuen amagadi enes nòsti bòsqui.

IMATGE: FLICKR
Clara Villar