Bossòst a acuelhut pendent aguest dissabte era tradicionau hèira dera tardor, qu’a coincidit per dusau viatge tanben damb era prumèra jornada dera edicion d’enguan d’Era Mongetada. Ath long deth maitin es carrèrs deth pòble an acuelhut a cententats de visitaires en tot caminar e crompar enes paradetes premanides. Ath delà, era gent tanben a podut gaudir dera presència deth bestiar, qu’ei tradicion en aguest tipe de hèires.

Bossòst a acuelhut era prumèra des dues jornades dera 6au edicion d’Era Mongetada, era hèira gastronomica basada ena mongeta de Bossòst, qu’ei era protagonista d’aguesta hèsta.

Pendent aguesta jornada en Bossòst, es visitaires an podut gaudir damb un des mestièrs tradicionaus restacadi damb era mongeta coma ei era sua separacion dera pèth. Un trebalh intens damb es lagèts e es ventadors, coma s’a podut veir damb era demostracion amiada a tèrme ath cant dera carpa gastronomica.