Damb era arribada deth mes d’octubre arriben tanben es tradicionaus Hèires deth Bestiar dera Val d’Aran. Uns dies de fòrça afluéncia de persones que s’apròpen as disparièrs pòbles aranesi entà crompar bestiar, productes artesanaus o, simplament, passejar pes carrèrs en tot gaudir deth bon ambient.

En aguestes hèires se pòden trapar tot tipe de productes: hormatges, embotits, ròba o joguets, entre molti d’auti, mès çò de mès destacat ei eth bestiar.

Aguestes hèires son es que mèrquen quini seràn es prètzi deth bestiar pendent era tempsada.

Ath delà, cau restacar que son eveniments que cerquen reforçar era tradicionau figura deth pages dera Val d’Aran.

Fòrça decènnis avalen er èxit des Hèires deth Bestiar dera Val d’Aran, qu’arreceben cada an centenats de persones tant de laguens deth territòri coma de ues autes parts de Catalonha e França.