Gran èxit deth prumèr Concors de Pesca Infantil dera Societat de Caça e Pesca

10/06/2017

Dejà a agut lòc eth Prumèr Concors de Pesca Infantil organizat pera Societat de Caça e Pesca Val d’Aran. Pendent aguest maitin de dissabte, era Bassa d’Oles a acuelhut un totau de 17 mainatges d’enquia 16 ans que cercauen pescar era major quantitat de trueites possibles.

Aguest concors a estat organizat damb era intencion d’apropar as mès petits ara practica dera pesca.

Entà aguest eveniment, era societat deishèc anar ager un totau de 700 trueites de piscifactoria que non an acabat de reaccionar coma demorauen.

S’a regalat a toti es participants ua canha de pescar e entath mainatge que mès trueites agarresse i auie un equip de pesca complet, mès çò de mès important a estat qu’es petits gaudissen d’un bon dia de pesca.

Ara, era Societat de Caça e Pesca se trape premanint eth sòn pròplèu eveniment: un Cors de Pesca entà adults.

Aguest prumèr Concors de Pesca Infantil a estat tot un èxit, non tant peth merit d’auer pescat moltes trueites, senon peth polit rebrembe que s’empòrten es petits: un dia especiau e damb bon ambient a on an podut gaudir d’aguesta activitat damb es sòns pairs e amics.

Clara Villar