II Hèsta dera Lan en Vielha

08/12/2017

Pendent es dies 7 e 9 de deseme, eth Palai d’Espòrts de Vielha acuelh era dusau Hèsta dera Lan.

Es visitants, poderàn gaudir, de 15:00 dera tarde a 22:00 dera net, des mès de 20 parades enes quaus s’expòsen e venen productes elaborats damb lan 100% naturau.

Artesans e transformadors d’aguest producte, venguts de diferents parts des Pirenèus, ena sua majoria, mès tanben d’auti punts d’Espanha e França, mostraràn ath public es resultats deth sòn trebalh.

Aguesta hèsta a tanben coma objectiu conservar era diversitat ovina des Pirenèus, entà protegir es espècies que se trapen en perilh d’extincion.

Era Hèsta dera Lan ei sonque ua des activitats qu’er Ajuntament de Vielha e Mijaran a organizat entad aguest Pònt.

S’encara non vos auetz apropat a cap des mercats qu’acuelh eth cap-lòc aranés pendent aguesti dies, encara i hètz a temps! Non vos ac podetz pèrder.

Clara Villar