Er os Goiat aucic ua cavala adulta en Salient pendent era net deth 10 ar 11 d'aguest mes, segontes confirme eth Departament d'Agricultura, Ramaderia e Miei Ambient deth Conselh Generau d'Aran. 

Segontes es indicis, es agents de Miei Ambient aranesi indiquen qu'er os perseguic ara cavala pes pastures enquia que li dèc mòrt e, segontes era informacion deth GPS que pòrte er animau, s'a constatat que pendent tres nets s'a anat alimentant d'era. S'a descorbit tanben que Goiat poderie anar acompanhat d'ua femelha.

Gràcies ath seguiment GPS s'a podut saber qu'aguest exemplar a estat pendent es tres darrèri dies enes zònes de Varradòs, Salient, Bagergue e Montgarri.

IMATGES: CONSELH GENERAU D'ARAN