Tecnics dera equipa de seguiment der os deth Projècte Piroslife deth Conselh Generau d’Aran e des Agents Ruraus dera Generalitat de Catalunya an realizat aguest maitin ua localizacion damb mejans aeris en municipi de Vielha e Mijaran entà verificar er estat fisic e eth bon foncionament deth colhar de Goiat pr’amor que hège dies que daue localizacions fòrça concentrades.

S’a detectat qu'auie un cèrvi semi enterrat eth quau minjaue e susvelhaue net e dia, e per açò practicaments non se moiguie de lòc. Tanben s’a pogut visualizar dirèctaments er os a uns centenats de mètres deth cèrvi e s’a verificat qu'ei en un estat fisic excellent atau coma eth corrècte foncionament  deth colhar e des mèrques auriculars.

Eth mascle Goiat, liberat en Pallars en marc deth programa Piroslife er an passat pòrte colhar GPS e radiotransmissors.