Naui carnets obligatòris entara caça dera perditz chèrra, ròia e faisan

22/09/2017

Aguest carnet a estat elaborat pera Societat de Caça e Pesca Val d'Aran amassa damb eth Conselh Generau d'Aran

Era Societat de Caça e Pesca Val d'Aran a comunicat qu'a compdar d'aguesta naua sason 2017-18 ei obligatòri auer eth nau carnet entara caça dera perditz chèrra, ròia e faisan. Aguesta nau canret a estat ebalorat conjuntaments pera Societat e eth Conselh Generau d'Aran. Eth carnet se pòt recuélher en burèu dera Societat. Es caracteristiques son:

- Un airau exclusiu entara perditz chèrra damb adesius que s'estampe damb eth dia e eth mes de caça abils dera sason, e que s'aurà de plaçar ena pauta dera perditz, quan sigue abatuda. 

- Un dusau airau sonque entara perditz ròia e eth faisan e que s'aurà d'aumplir damb estilò, en tot seguir es indicacions que s'especifiquen enes nòrmes d'emplec deth carnet. 

Nòrma de foncionament:

- Ei obligatòri plaçar era etiqueta adesiua ena pauta dera perditz un viatge abatuda.

- Ei obligatòri aumplir eth carnet damb es pèces que se capturen jornalièraments enes airaus de repoblacion. Non ei de besonh remercar eth lòc d'abatuda, mès òc eth dia.

- Ei obligatòri liurar eth carnet ramplit ara fin dera sason en burèu dera Societat de Caça e Pesca Val d'Aran.



IMATGE: Naui carnets dera perditz chèrra, ròia e faisan (Societat de Caça e Pesca Val d'Aran)
Manu Moga