Eth sindicat Unió de Pagesos (UP) a demanat ath Ministeri d'Agricultura era milhora des indemnizacions entàs pagesi en cas d'auer de sacrificar eth bestiar deuant de problèmes sanitaris e milhorar es ajudes entara repoblacion des explotacions dempús de patir un uet sanitari a trauès des esmenes presentades en projècte deth Reiau Decret que modifique eth Reiau Decret 389/201 e eth Reiau Decret 82/2015.

UP vò que quan s'agen de sacrificar es animaus o quan morisquen per bèra malautia o des sòns tractaments, era administracion indemnize as pagesi damb eth 100% deth valor des animaus en compdes de hè'c damb eth 75 coma ei vigent o damb eth 85% coma vò eth Ministeri en projècte deReiau Decret. Eth sindicat manifeste qu'es taules ddamb es valors des animaus s'establiren en 2011 e dejà non representen eth valor actuau. Atau, ara eth valor maximal d'ua vaca entara produccion de carn entre 24 e 48 mesi d'edat ei de 707,26 €, mentre qu'UP demana que eth valor minim entà vaques d'entre 17 e 36 mesi sigue entre 1000 e 1200 €, e entàs d'entre 36 e 49 mesi, de 1000 €.

Enes esmenes, reclamen en relacion ath sanejament der animau, que s'autorize a tot er Estat era possibilitat de realizar ua contra-analisi per part deth pagés deuant deth broton, entà escartar un faus positiu e esvitar sacrificis que se pòden estauviar.

UP tanben demane flexibilitat deth periòde quarantau, un viatge hèt eth uedatge sanitari, entà que quan sigue possible e segontes eth criteri des veterinaris, se poguen repoblar era explotacion en mens temps. D'aguest baiais, se poderie redusir eth periòde improductiu e eth risc de pèrder es ajudes dera Politica Agrària Comuna (PAC)