Bossòst siguec present pendent es dies 19 e 20 de mai ena celebracion dera 1èra Trobada Literària Transtermièra dera localitat andorrana de Sant Julià de Lòria. Aguest eveniment organizat peth Común d’aguesta localitat e peth Conselh Comarcau der Alt Urgell, servic entà dar contunhitat ara collaboracion estreta que se producís des dera Val d’Aran damb aguesti territòris, que comencèc damb era celebracion der hestivau de genre nere Black Mountain de Bossòst.

Aguest tipe de trobada celebrada en Andòrra se vò amiar a tèrme de manèra permanenta un viatge ar an e damb er objectiu de que sigue itineranta. En aguest sens, des de Bossòst dejà comencen a premanir aguest hilat de collaboracions en airau culturau. Aguest viatge es refugiats e es Pirenèus coma lòc de pas sigueren es tematiques centraus, mès des de Bossòst dejà comencen a pensar ena celebracion dera 2au edicion deth Black Mountain.

Per tant, se comence a generar ua proximitat entre es desparières territòris que formen es Pirenèus, en tot auer era cultura e era literatura mès concretaments, coma airau en comun.