Castings ena Val d'Aran entath film "Totes les històries"

06/10/2017

T'agrade eth mon der espectacle e tostemp as volgut gésser en ua pellicula? Donques ara ac pòs hèr!

Era productora Nanouk Films cerque ena Val d'Ara a hemnes e òmes d'entre 10 e 70 ans entara naua òbra de Sergi Cameron, "Totes les històries". Non ei de besonh auer experiéncia en aguest mon. 

I aurà dus castings: eth prumèr aurà lòc deman, dissabte 7 d'octubre, ena Sala Sociau de Bagergue de 17:00 a 21:00 ores, e era dusau serà dimenge, dia 8, ena Sala Polivalenta de Vielha de 10:00 a 15:00 ores

I a quate tèxtes que se pòden consultar dejà entà premanir-se: era escena de Caterina e eth Sacerdòt, era deth grop d'hemnes, eth monològ deth baron e eth monològ de Vigatana.

Non perdegatz aguesta oportunitat e apropatz-vos as castings se i voletz participar!
Clara Villar