Grana expectacion ena desfilada dera exposicion Vestir era Mòda qu’a auut lòc ena Glèisa Sant Joan d’Arties e ena quau s’exibiren diuèrsi vestits tradicionaus aranesi. Un eveniment que cerque promòir part der arric auviatge deth nòste parçan.

Components dera còlha de Santa Maria de Mijaran, des Fradins de Vielha, des Sautarets de Bossòst, des Corbilhuèrs de Les e des Gripèts de Naut Aran desfilèren ena passarèla damb es modèus aranesi mès emblematics.

Des d’era entitat organizadora, Musèus dera Val d’Aran, se mostrèren plan satisfèts pera excellenta acceptacion der acte per part deth public.

Atau, cau rebrembar qu’era exposicion Vestir era Mòda se poderà contemplar enquiath 5 de mai ena Glèisa Sant Joan d’Arties, de deluns a dissabte, de 5 a 8 deth ser.