Un an mès, tornen es hèstes de Sant Joan ena Val d’Aran. Les e Arties se premanissen entà gaudir des sues hèstes majors, centrades enes hèstes deth huec deth dia 23 de junh. En Les, coma dejà ei abituau, era Crema deth Haro se place coma er acte centrau d’aguestes hèstes damb un pialèr d’actiuetats. Era Plaça der Haro acuelh ua net plia de huec, muisca e balh, mentre er haro crème. Ua net especiau e demorada.

En Les es hèstes majors de Sant Joan s’amien a tèrme deth 23 ath 29 de junh. D’aute biais, Arties ei er aute pòble que tanben place Sant Joan coma er epicentre des sues hèstes majors. Eth 23 celèbren era Crèma deth Taro, qu’a diferéncia de Les, eri l’arrosseguen per tèrra per diuèrsi carrèrs deth pòble, ath viatge que lo sauten mentre crème.

Ena Val d’Aran, es hèstes de Sant Joan mèrquen er inici d’un ostiu plen d’actiuetats enes pòbles, e obtien que fòrça gent deth país e de dehòra, gesquen en carrèr e gaudissen d’ua hèsta que supause un hèt identitari tanplan significatiu des aranesi.