Es passats dies 1, 2 e 3 de junh auec lòc ena Sala Era Audiovisuau de Vielha eth teatre musicau Ager Soniè, organizat e dirigit pera Escòla Tchaikovsky de musica.

Un espectacle a on es assistents poderen gaudir d’ua òbra teatrau pròpia e originau, damb  coneishudes cançons de grani artistes e trebalhades coreografies. Ath delà, es dies 2 e 3 eth public podèc gaudir tanben dera exibicion des diferentes dances que s'impartissen ena escòla, aufrida pes pròpis alumnes deth centre.

Eth centre pòrte premanint aguest espectacle des de començament de cors e eri madeishi s’an hèt cargue de toti es preparatius.

Era Escòla Tchaikovsky aufrís ua grana varietat de formacions musicaus e artistiques as sòns alumnes pendent eth cors escolar, e compde tanben damb un casau musicau en ostiu entàs mès petits.

Tant alumnes coma mèstres an hèt pendent aguesti mesi un gran trebalh damb  molt d’esfòrç, e eth resultat se ve reflectit en aguest magnific espectacle plen d’art.