Jusèp Boya, nau director dera Agéncia Catalana de Patrimòni Culturau

19/07/2017

Actuauments ei director generau d'Archius, Biliotèques, Musèus e Patrimòni

Grana notícia entara Val d'Aran. Eth Govèrn dera Generalitat de Catalonha a designat ar aranés Jusèp Boya pendent aguest dimars coma nau director dera Agéncia Catalana de Patrimòni Culturau. Boya substituís ar escrivan Àlex Susanna, qu'auie estat en cargue a compdar d'aguest passat mes de març.

Enquiara, Boya ei eth director generau d'Archius, Bibliotèques, Musèus e Patrimòni dera Generalitat de Catalonha. Ath delà, auie dirigit eth Musèu d'Istòria de Catalonha e ei membre deth còs de conservadors de musèus dera Generalitat a compdar der an 1988.
Manu Moga