Eth pòble de Les se trape en tot crear era Associacion des Hèstes deth Huec entà potenciar un des reclams culturaus e toristics mès importants qu’a aguest municipi de Quate Lòcs, coma són precisaments es hèstes deth huec, e es desparières actiuetats que s’amien a tèrme ath long der an. Se ben era Net de Sant Joan ei era mès importanta, pendent era primauera tanben an lòc era Shasclada deth Haro, celebrada en mes de mai, e era Qulilha deth Haro, a on se plaçarà eth nau arbe ena hestiuetat de Sant Pere.

Ei previst que pendent aguest ostiu, era Associacion des Hèstes deth Huec dejà sigue creada e d’aguesta manera, poder començar a elaborar un calendari fixe d’actiuetats que se puguen amiar a tèrme damb es desparières entitats que ne hèn part.